Babala

Kung sasaktan mo ko,
Dahan-dahanin mo.
Yung tipong kung gagapusin mo,
Siguraduhin mong magpupumiglas ako.
Kung sasaktan mo ko,
Dahan-dahanin mo.
Yung tipong kung susugatan mo,
Siguraduhin mong lalaliman mo.
Kung sasaktan mo ko,
Dahan-dahanin mo.
Yung tipong kung sasaksakin mo,
Siguraduhin mong ibabaon mo ng todo.
Kung sasaktan mo ko,
Dahan-dahanin mo.
Yung tipong kung hahawakan mo ko sa leeg,
Ikatatakas ng hangin sa katawan ko.
Kung sasaktan ko ko,
Siguraduhin mong kaya mo.
Dahil sa sandaling kaya mo na kong saktan,
Dahan-dahanin mo nang sanaying
Walang kagapos ang ‘yong mga kamay.
Sa sandaling kaya mo na kong saktan,
Sanayin ang tingin sa mga gawa mong sugat.
Sa sandaling kaya mo na kong saktan
Sanaying pakinggan ang mga hiyaw na di humihina.
Sa sandaling kaya mo na kong saktan,
Siguradong mawawala ako,
Dahan-dahan.


About the Author

---

	Arriane Bringing you the latest in third world transportation. Twitter | Tumblr

---