Bago Umalis

Baunin mo ang huling sulyap

Na ilalaan sa ikatatapos

Nang ating yugto.

Kung kaya mong ipinta

Iguhit

O kunan ng litrato

Gawin mo.

Dahil kakailanganin mo.

Alam kong kakailanganin mo.

Titigan mo nang mabuti ang pagtingin

Na kaya kang ilibing.

Bago umalis

Patungo sa lugar

Na kailanmang hindi maisusulat

Na kailanman,

Hindi mo malalakaran,

Mahahanap.

Itago mo ang nilaan kong huling sulyap

Para sa ikababagabag

Nang puso mong duwag.

About the Author

---

	Arriane Bringing you the latest in third world transportation. Twitter | Tumblr

---